మీ బ్యాంక్ స్టేట్మెంట్లో రెండుసార్లు డబ్బు కట్ అయినట్లు కనిపిస్తే ఆందోళన చెందాల్సిన అవసరం లేదు. మీ డబ్బు సురక్షితంగానే ఉంది. ఈ సమస్యను త్వరగా పరిష్కరించేందుకు మేము మీకు సహాయం చేస్తాము.
ఇది ఎందుకు జరుగుతుంది?
చాలా సందర్భాల్లో, మీ బ్యాంక్ & యాప్ స్టోర్ (గూగుల్-ప్లే Play లేదా యాపిల్) లేదా మా పేమెంట్ భాగస్వాములు (UPI, Razorpay వంటివి) మధ్య తాత్కాలిక నెట్వర్క్ సమస్య వల్ల ఇలా జరుగుతుంది.
- సమస్య ఏమిటంటే: కొన్నిసార్లు మీ బ్యాంక్ పేమెంట్ను విజయవంతంగా ఆమోదిస్తుంది. కానీ ఆ “సక్సెస్” సమాచారం మా యాప్కు చేరదు. దీంతో మొదటి పేమెంట్ విఫలమైందని భావించి మీరు మళ్లీ పేమెంట్ చేయవచ్చు. ఫలితంగా రెండుసార్లు డబ్బు కట్ అవుతుంది. కానీ ఒకే సబ్స్క్రిప్షన్ లేదా ఒకే నాణేల ప్యాక్ మాత్రమే యాక్టివ్ అవుతుంది.
ముందుగా మీరు చేయాల్సింది ఇదే (ఆటోమేటిక్ పరిష్కారం):
24-48 గంటలు వేచి ఉండండి: చాలా సందర్భాల్లో, మీ బ్యాంక్ లేదా యాప్ స్టోర్ మొదటి ట్రాన్సాక్షన్ విఫలమైందా లేదా డూప్లికేట్గా జరిగిందా అని స్వయంగా పరిశీలిస్తుంది. ఒకవేళ అదనంగా డబ్బు కట్ అయినట్లు గుర్తిస్తే, ఆ మొత్తాన్ని ఆటోమేటిక్గా మీ ఖాతాలోకి తిరిగి జమ చేస్తుంది. ఇందుకోసం మీరు ప్రత్యేకంగా ఏమీ చేయాల్సిన అవసరం ఉండదు.
ఒకవేళ ఆటోమేటిక్గా రీఫండ్ రాకపోతే:
మీరు గూగుల్ ప్లే స్టోర్ (Android) ద్వారా పేమెంట్ చేసి ఉంటే:
గూగుల్ ప్లే స్టోర్ ద్వారా చేసిన పేమెంట్లను గూగుల్ నేరుగా నిర్వహిస్తుంది. కాబట్టి రీఫండ్ కోసం మీరు గూగుల్ కి రిక్వెస్ట్ పంపాలి.
• గూగుల్ ప్లే స్టోర్ యాప్ను ఓపెన్ చేయండి.
• మీ ప్రొఫైల్ ఐకాన్ పై క్లిక్ చేసి, Payments & subscriptions> Budget & history కి వెళ్లండి.
• డూప్లికేట్ ఆర్డర్ను ఎంచుకుని, “Report a problem” పై క్లిక్ చేయండి.
• రీఫండ్ఎంపికను ఎంచుకుని, మీ రిక్వెస్ట్ను గూగుల్ కి సబ్మిట్ చేయండి.
మీరు యాపిల్ యాప్ స్టోర్ (iPhone/iPad) ద్వారా పేమెంట్ చేసి ఉంటే:
యాపిల్ తమ బిల్లింగ్ & పేమెంట్లను పూర్తిగా స్వయంగా నిర్వహిస్తుంది.
reportaproblem.apple.comకి వెళ్లండి.
మీ యాపిల్ ఐడీతో సైన్ ఇన్ చేయండి.
“I’d like to” పై క్లిక్ చేసి, “Request a refund” ఎంపికను ఎంచుకోండి.
డూప్లికేట్గా ఛార్జ్ అయిన ప్రతిలిపి ట్రాన్సాక్షన్ను సెలెక్ట్ చేసి రీఫండ్ రిక్వెస్ట్ పంపండి.
మీరు యూపీఐ, క్రెడిట్ కార్డ్, పేటీఎం వంటి డైరెక్ట్ పేమెంట్ పద్ధతుల ద్వారా పేమెంట్ చేసి ఉంటే:
మీరు రేజర్పే, ఫోన్పే, పేటీఎం వంటి మా డైరెక్ట్ పేమెంట్ పార్ట్నర్ల ద్వారా పేమెంట్ చేసి రెండుసార్లు ఛార్జ్ అయితే, దయచేసి వెంటనే మా సపోర్ట్ టీమ్ను సంప్రదించండి.
- ప్రతిలిపి యాప్లో హెల్ప్ / సపోర్ట్ విభాగానికి వెళ్లండి.
- రెండుసార్లు డబ్బు కట్ అయిన విషయం గురించి మాకు మెసేజ్ పంపండి.
- ముఖ్యంగా, రెండు ట్రాన్సాక్షన్లు కనిపించే బ్యాంక్ స్టేట్మెంట్ లేదా ఎస్ఎంఎస్ స్క్రీన్షాట్తో పాటు ట్రాన్సాక్షన్ ఐడీలను కూడా జత చేయండి.
- ప్రతిలిపి టీమ్ పేమెంట్ పార్ట్నర్లతో కలిసి సమస్యను పరిశీలించి, రీఫండ్ను మీ అసలు పేమెంట్ పద్ధతికి తిరిగి జమ చేస్తుంది.
సంక్షిప్తంగా చెప్పాలంటే: రెండుసార్లు డబ్బు కట్ కావడం చాలా సందర్భాల్లో తాత్కాలిక బ్యాంక్ లేదా నెట్వర్క్ సమస్య వల్ల జరుగుతుంది. సాధారణంగా అది ఆటోమేటిక్గా సరిచేయబడుతుంది. ఒకవేళ అలా జరగకపోతే, మీ ట్రాన్సాక్షన్ వివరాలతో గూగుల్, యాపిల్ లేదా మా సపోర్ట్ టీమ్ను సంప్రదిస్తే రీఫండ్ ప్రక్రియ త్వరగా పూర్తవుతుంది.