మీ సిరీస్ కు సరిపోయే కవర్‌ ఫోటోను ఎంచుకోండి.

గౌరవనీయులైన రచయిత గారికి,

ఆన్‌లైన్‌లో పాఠకులు సిరీస్ లను చాలా వేగంగా చూస్తారు. వారు మీ సిరీస్ ను తెరవాలా వద్దా అని నిర్ణయించుకునే ముందు చూసేది మీ సిరీస్ కవర్ ఫోటనే.

అందంగా ఉండే కవర్ ఫోటో మాత్రమే సరిపోదు. అది మీ సిరీస్ ఏ రకమైనది, దాని భావం ఏమిటి అనే విషయాన్ని కూడా పాఠకులకు వెంటనే అర్థమయ్యేలా చెప్పాలి. సిరీస్ కు సరిపోని కవర్ ఫోటో ఉంటే, పాఠకులు మీ సిరీస్ ను చదవకుండా వదిలేయవచ్చు లేదా తప్పు అంచనాలతో చదవడం ప్రారంభించవచ్చు.

1. సిరీస్ భావానికి తగ్గ కవర్‌ ఫోటోను ఎంచుకోండి.

మీ సిరీస్ ప్రేమ సిరీస్ అయితే కవర్ ఫోటో కూడా ప్రేమను ప్రతిబింబించాలి. ఉత్కంఠభరితమైన సిరీస్ అయితే కవర్ ఫోటో కూడా ఆ ఉత్కంఠను చూపించాలి. సిరీస్ ఎలా ఉంటుందో, కవర్ ఫోటో కూడా అదే భావాన్ని ఇవ్వాలి.

2. సిరీస్ ఏ వర్గానికి చెందిందో స్పష్టంగా తెలియాలి.

కవర్‌ ఫోటోను చూసిన వెంటనే అది ప్రేమ సిరీస్, థ్రిల్లరా, హారర్ సిరీస్, కుటుంబ సిరీస్ అనే విషయం పాఠకులకు అర్థమయ్యేలా ఉండాలి.

3. సిరీస్ కు సంబంధం లేని కవర్‌ ఫోటోను ఉపయోగించవద్దు.

ఉదాహరణకు, సిరీస్ క్రైమ్ థ్రిల్లర్ అయితే కవర్ ఫోటో మాత్రం ప్రేమ సిరీస్ లా కనిపించకూడదు. అలాంటి కవర్ ఫోటో వల్ల పాఠకులు మీ సిరీస్ ను తప్పుగా అంచనా వేసి వస్తారు. వారు సిరీస్ ను వెంటనే వదిలేసే అవకాశం ఉంటుంది.

4. సినీ నటుల ఫోటోలు లేదా కాపీరైట్ ఉన్న ఫోటోలను ఉపయోగించవద్దు.

సినీ నటుల ఫోటోలు, సినిమా పోస్టర్లు లేదా కాపీరైట్ ఉన్న ఫోటోలను కవర్‌ ఫోటోగా ఉపయోగించవద్దు. ఇవి కాపీరైట్ సమస్యలకు దారితీయవచ్చు. అలాగే, మీ సిరీస్ ప్రత్యేకత కూడా తగ్గిపోతుంది.

5. సులభంగా అర్థమయ్యే ఫోటోలను ఉపయోగించండి.

కవర్ ఫోటో పైన చిన్న చిన్న సీన్స్ సిరీస్ ను త్వరగా అర్థం చేసుకునేలా చేస్తాయి. ఉదాహరణకు, ఆసుపత్రి ఫోటో,  వైద్య నేపథ్యాన్ని, నీడలు ఉత్కంఠను, పెళ్లి దృశ్యం కుటుంబం లేదా వివాహ సిరీస్ ను సూచించవచ్చు.

6. సరైన రంగులను ఎంచుకోండి.

రంగులు కూడా పాఠకులపై ప్రభావం చూపుతాయి. ముదురు రంగులు రహస్య, థ్రిల్లర్ లేదా హారర్ సిరీస్ లకు బాగా సరిపోతాయి. లేత లేదా ప్రకాశవంతమైన రంగులు ప్రేమ సిరీస్ లు, హాస్య సిరీస్ లు , కుటుంబ సిరీస్ లకు మరింత బాగా సరిపోతాయి.

7. ప్రచురించే ముందు ఒకసారి ఆలోచించండి.

మీ సిరీస్ ను ప్రచురించే ముందు ఈ ప్రశ్న వేసుకోండి. "ఈ కవర్‌ను చూసిన మూడు సెకన్లలోనే నా సిరీస్ ఏ జానర్‌కు చెందింది? దాని భావం ఏమిటి? అని పాఠకుడు అర్థం చేసుకోగలడా?" అలా అనిపించకపోతే, కవర్‌ ఫోటోను మరింత స్పష్టంగా మార్చండి.

చివరిగా...

మీ సిరీస్ కవర్ ఫోటో కేవలం అందం కోసం కాదు. అది మీ సిరీస్ గురించి పాఠకుడికి కలిగే మొదటి అభిప్రాయం. మంచి కవర్ సరైన పాఠకులను ఆకర్షిస్తుంది. మీ సిరీస్ ను వారు సులభంగా అర్థం చేసుకునేలా చేస్తుంది. అలాగే, సిరీస్ ను చివరి వరకు చదివే అవకాశాన్ని కూడా పెంచుతుంది.

మీ రచనా ప్రయాణానికి మా హృదయపూర్వక శుభాకాంక్షలు!

ప్రతిలిపి తెలుగు విభాగం