ప్రచురణ మార్గదర్శక నియమాలు

1. AI ఉపయోగించడానికి సంబంధించిన మార్గదర్శకాలు  

1. వ్యాకరణం(గ్రామర్), అక్షర దోషాలను సరిచూసుకోవడం లేదా కథా నిర్మాణం, కథాంశం గురించి ఆలోచించడం వంటి సృజనాత్మక అవసరాలకు AIని ఉపయోగించడం ఎల్లప్పుడూ స్వాగతించబడుతుంది.

2. ముఖ్యంగా, రచయితగా మీరు ‘రైటర్స్ బ్లాక్’ను ఎదుర్కొంటున్నప్పుడు, AI సహాయం తీసుకోవచ్చు. 

3. మీ కథలకు కవర్ ఫోటోలను తయారు చేసుకోవడానికి కూడా మీరు AIని ఉపయోగించవచ్చు.

4. AIతో రూపొందించిన కథలను ప్రచురించడం, అలాగే మరొక రచయిత అనుమతి లేకుండా వారి కాపీరైట్ ఉన్న కథను అనువదించి ప్రచురించడం చేయకూడదు.

5. పూర్తిగా AIతో రూపొందించిన కథను మీ స్వంత కథగా చూపించడాన్ని తప్పక నివారించాలి. చిన్నచిన్న మార్పులు చేసినప్పటికీ, కథలో ఎక్కువ భాగం AI ద్వారా రూపొందించబడితే, అది AI రూపొందించిన కథగానే పరిగణించబడుతుంది.

2. అశ్లీల(అడల్ట్) రచనలకు సంబంధించిన మార్గదర్శకాలు 

1. కథ, పాత్రలు లేదా కళాత్మక ఉద్దేశం(కథకు అది తప్పనిసరి అయితే తప్ప) లేకుండా, పాఠకులను లైంగికంగా ప్రేరేపించడానికి మాత్రమే రాసే రచనలు ఎంత బాగా రాసినా అనుమతించబడవు.

2. కథలోని ఏ భాగంలోనైనా శృంగార సన్నివేశాలను అతిగా వివరించడం లేదా శరీర భాగాలను సూచించడానికి అసభ్యకరమైన పదాలను ఉపయోగించడం నివారించండి.

3. కవర్ ఫోటోలలో ఎప్పుడూ నగ్నత్వాన్ని లేదా లైంగికంగా ప్రేరేపించే భంగిమలు ఉండకూడదు. కథలోని కంటెంట్ ఎలా ఉన్నా, ఈ నిబంధన వర్తిస్తుంది.

4. పరస్పర సమ్మతి లేని లైంగిక సంబంధాలు, లైంగిక హింస లేదా చిన్నారులు/పిల్లలకు సంబంధించిన ఏదైనా లైంగిక చర్యను ప్రోత్సహించడం, గొప్పగా లేదా ఇష్టమైనదిగా చూపించడం చట్టవిరుద్ధం & విధాన ఉల్లంఘనగా పరిగణించబడుతుంది.

5. పై విధాన ఉల్లంఘనలకు రచన తొలగించడం, దాని విజిబిలిటీని తగ్గించడం లేదా పదేపదే ఉల్లంఘనలు జరిగితే ప్రతిలిపి ప్రొఫైల్‌పై చర్యలు కూడా తీసుకోబడతాయి.  

3. రచనల కాపీకి సంబంధించిన మార్గదర్శకాలు

1. మీ సొంత రచనలను మాత్రమే ప్రచురించాలి.

2. పుస్తకాలు, సినిమాలు, టీవీ సీరియళ్లు, బ్లాగులు లేదా ఇతరుల రచనల నుంచి రచనలను పూర్తిగా లేదా కొంత భాగాన్ని కాపీ చేసి, కొన్ని పదాలను మార్చి మీ స్వంత రచనగా ప్రచురించడం అనుమతించబడదు.

3. చట్టపరంగా కాపీరైట్ ఉల్లంఘనగా పరిగణించబడకపోయినా, మరొకరి రచనలోని సన్నివేశాలను అదే క్రమంలో రాయడం లేదా రచనలోని ప్రధాన అంశం, పాత్రలు లేదా నేపథ్యాన్ని ఆధారంగా చేసుకుని మార్పులు చేసి రాయడం కూడా సాహిత్య చౌర్యంగానే పరిగణించబడుతుంది.

4. మరొక రచయిత రచనను వేరే భాషలోకి అనువదించడానికి లేదా దాన్ని ఆధారంగా చేసుకుని రాయడానికి ఆ రచయిత ముందస్తు అనుమతి తప్పనిసరి. అసలు రచయిత పేరు (credit) ఇచ్చినప్పటికీ, అనుమతి లేకుండా అనువాదాన్ని ప్రచురించడం నిబంధనల ఉల్లంఘనే.

5. ప్రచురించే ప్రతి రచనను ప్రతిలిపిలో ఇప్పటికే ఉన్న రచనలతో పోల్చి ఆటోమేటిక్‌గా తనిఖీ చేస్తాము. అసలు రచయిత నుంచి అధికారిక ఫిర్యాదు రాకపోయినా, పోలికలు గుర్తిస్తే ఆ రచనను తొలగించవచ్చు.

6. ఉల్లంఘన తీవ్రతను బట్టి రచనను డ్రాఫ్ట్‌కు మార్చడం, శాశ్వతంగా తొలగించడం లేదా పదేపదే ఉల్లంఘనలు జరిగితే ప్రొఫైల్ ని డిలీట్ చేయడం లాంటి చర్యలు తీసుకోవచ్చు. అధికారిక కాపీరైట్ ఫిర్యాదులు చట్టపరమైన చర్యలకు కూడా దారితీయవచ్చు.

4. ద్వేషాన్ని ప్రోత్సహించే రచనలకు సంబంధించిన మార్గదర్శకాలు 

1. పాఠకులు, ఇతర రచయితలు లేదా ప్రముఖులు ఎవరైనా సరే, నిర్దిష్ట వ్యక్తి లేదా సమూహాన్ని లక్ష్యంగా చేసుకుని అవమానించడం, కించపరచడం, బెదిరించడం లేదా వేధించడం కోసం మీ కథలు, సమీక్షలు, చాట్‌లు లేదా ప్రొఫైల్ వివరాలను ఉపయోగించకూడదు.

2. కుల వివక్ష, మత కలహాలు, కుటుంబ హింస లేదా బాల్య వివాహం వంటి సామాజిక సమస్యలను కథలో భాగంగా చూపించి, వాటిని తప్పుగా చూపించడం లేదా ప్రశ్నించేలా రాయడం తప్పు కాదు. అయితే, వాటిని ప్రత్యక్షంగా లేదా పరోక్షంగా ప్రోత్సహించకూడదు.

3. ఏ వ్యక్తి, సమాజం, మతం, కులం, లింగం లేదా లైంగిక అభిరుచికి వ్యతిరేకంగా హింస, ద్వేషం, క్రూరత్వం లేదా వివక్షను సాధారణమైనదిగా, గొప్పదిగా లేదా ఇష్టమైనదిగా చూపించడం అనుమతించబడదు.

4. ప్రొఫైల్ పేరు, ఫోటో లేదా బయోతో సహా ఎక్కడా కులం/జాతిని అవమానించే పదాలు, రాజకీయంగా కలహాలను రెచ్చగొట్టే విషయాలు, ద్వేషపూరిత చిహ్నాలు లేదా హింసను ప్రేరేపించే భాషను ఉపయోగించకూడదు.

5. కుట్ర సిద్ధాంతాలను ప్రచారం చేయడం, చారిత్రక వాస్తవాలను వక్రీకరించడం లేదా ఒక సమూహం మరో సమూహం కంటే గొప్పది లేదా తక్కువది అని చెప్పే నాన్-ఫిక్షన్ రచనలను ప్రచురించకూడదు.

6. చిన్నారులను లైంగికంగా చూపించడం, బాల్య వివాహాన్ని ఇష్టమైనదిగా చూపించడం లేదా మహిళలపై లైంగిక లేదా శారీరక హింసను గొప్పగా చూపించడం వంటి వాటిని అత్యంత తీవ్రమైన నిబంధనల ఉల్లంఘనలుగా పరిగణిస్తాము. వీటిపై ఎలాంటి మినహాయింపులు ఉండవు (Zero Tolerance Violation).

7. ఉల్లంఘన తీవ్రతను బట్టి హెచ్చరిక ఇవ్వడం, రచనను తొలగించడం నుంచి ప్రొఫైల్ ని శాశ్వతంగా డిలీట్ చేయడం వరకు చర్యలు తీసుకోవచ్చు. చట్టవిరుద్ధమైన రచనల విషయంలో ముందస్తు హెచ్చరిక లేకుండానే ప్రొఫైల్ ని డిలీట్ చేసి, సంబంధిత ప్రభుత్వ అధికారులకు ఫిర్యాదు చేయవచ్చు.