గౌరవనీయులైన రచయిత గారికి,
కొన్ని సాధారణ అలవాట్లను అలవర్చుకుంటే ఒక పెద్ద సిరీస్ రాయడం చాలా సులువవుతుంది. ఈ అలవాట్లు మీరు క్రమం తప్పకుండా రాయడానికి, మీ కథను ఆసక్తికరంగా ఉంచడానికి & ప్రతి కొత్త భాగం కోసం పాఠకులు మళ్లీ మళ్లీ వచ్చేలా చేయడానికి ఎంతగానో సహాయపడతాయి.
- 1
కొన్ని భాగాలు ముందే రాసి పెట్టుకోండి.
మీరు పూర్తి కథను ఒకేసారి ప్లాన్ చేయాల్సిన అవసరం లేదు. మీ రచన ఎలాంటి ఆటంకాలు లేకుండా సాఫీగా సాగడానికి, తర్వాతి 5 నుండి 10 భాగాలలో ఏం జరగబోతుందో ముందే ఊహించుకుని ఉంటే సరిపోతుంది.
- 2
మీ పాత్రల గురించి నోట్స్ రాసుకోండి.
పాత్రల వయస్సు, భయాలు, బ్యాక్‌గ్రౌండ్, అలవాట్లు లేదా వారు తరచూ వాడే ఇష్టమైన పదాల వంటి చిన్న చిన్న వివరాలను ఒకచోట రాసి పెట్టుకోండి. ఇది కథ పొడవునా మీ పాత్రల ప్రవర్తన స్థిరంగా ఉండేలా చూసుకోవడానికి సహాయపడుతుంది.
- 3
భాగాలను కుతూహలంతో ముగించండి.
ప్రతి భాగం ముగింపులో ఒక పెద్ద ట్విస్ట్ లేదా షాకింగ్ అంశం ఉండాల్సిన అవసరం లేదు. ఒక చిన్న ప్రశ్న, బలమైన ఎమోషన్ లేదా ఒక చిన్న సందేహం మిగిల్చినా చాలు.. పాఠకులు తర్వాతి భాగం కోసం “తదుపరి” క్లిక్ చేస్తారు.
- 4
సులువైన హుక్స్ ఉపయోగించండి.
హుక్ అంటే ఎప్పుడూ ఏదో ఒక నాటకీయ సన్నివేశం అయి ఉండక్కర్లేదు. ఒక చిన్న మిస్టరీ, భావోద్వేగ భరితమైన క్షణం లేదా మధ్యలో ఆగిపోయిన సంభాషణ కూడా పాఠకులలో ఆసక్తిని కలిగిస్తుంది.
- 5
ప్రతి కథా భాగంలో సమాధానం కోసం ఎదురుచూసే ఒక కీలక ప్రశ్న ఉండేలా చూడండి.
కథలోని ప్రతి కొన్ని భాగాలకు పాఠకుల మనసులో ఒక ముఖ్యమైన ప్రశ్న తలెత్తేలా చేయండి. వారిలో కుతూహలాన్ని ఎల్లప్పుడూ ఉంచడానికి, ఆ ప్రశ్నకు సమాధానాన్ని ఒకేసారి చెప్పేయకుండా నెమ్మదిగా 5 నుండి 6 భాగాల పాటు బహిర్గతం చేయండి.
- 6
టైమ్‌లైన్ ట్రాక్ చేయండి.
ఒకవేళ మీ కథ గతం & వర్తమానం మధ్య తిరుగుతుంటే, ఆయా సంఘటనల గురించిన చిన్న నోట్స్ రాసుకోండి. ఇది తేదీలు, వయస్సు & ముఖ్యమైన సంఘటనల విషయంలో ఎటువంటి గందరగోళం లేకుండా ఉండటానికి సహాయపడుతుంది.
- 7
మూడ్ బాగున్నప్పుడు ఎక్కువ రాయండి, కానీ క్రమం తప్పకుండా ప్రచురించండి.
మీకు మంచి ఆలోచనలు వస్తున్నప్పుడు, మరికొన్ని అదనపు భాగాలను ముందే రాసి సిద్ధంగా ఉంచుకోండి. కానీ పాఠకులకు మీ అప్‌డేట్స్ పై నమ్మకం కలగడానికి, వాటిని ఒక నిర్ణీత షెడ్యూల్ ప్రకారం క్రమం తప్పకుండా ప్రచురించండి.
- 8
సన్నివేశాలను మరీ సాగదీయకండి.
కేవలం భాగాల సంఖ్యను పెంచడం కోసం మాత్రమే సీన్స్ ని సాగదీయవద్దు. ఏదైనా ఒక సన్నివేశం కథను ముందుకు నడిపించకపోయినా లేదా పాత్రల భావోద్వేగాలను చూపించకపోయినా, దానిని వీలైనంత చిన్నదిగా ఉంచండి.
- 9
ప్రతి కొన్ని భాగాలకు ఒక బలమైన సన్నివేశాన్ని ప్లాన్ చేయండి.
ప్రతి 10 నుండి 12 భాగాలకు ఒక ప్రేమాభివ్యక్తీకరణ, ఒక ట్విస్ట్, భావోద్వేగంతో కూడిన నిర్ణయం లేదా ఒక పెద్ద రహస్యాన్ని బయటపెట్టడం వంటివి చేయండి. ఇది మీ కథలో పాఠకులు ఏదో ఒక ఆసక్తికరమైన విషయం కోసం ఆత్రుతగా ఎదురుచూసేలా చేస్తుంది.
- 10
ఎక్కువ రోజులు విరామం తీసుకోకండి.
కథ నడుస్తున్నప్పుడు భాగల మధ్య ఎక్కువ గ్యాప్ ఉండటం పాఠకులకు నచ్చదు. రెండు భాగాల మధ్య విరామాన్ని తగ్గించండి; ఎందుకంటే క్రమం తప్పకుండా ఇచ్చే అప్‌డేట్స్ మాత్రమే పాఠకుల ఆసక్తిని & కథా గమనాన్ని కాపాడతాయి.
సంతోషంగా రాయండి!
— ప్రతిలిపి బృందం