గౌరవనీయులైన రచయిత గారికి,
ఒక కొత్త రచయితగా ప్రయాణం ప్రారంభించడం మొదట్లో కొంచెం కష్టంగా అనిపించవచ్చు, కానీ కొన్ని చిన్న చిన్న చిట్కాలను క్రమం తప్పకుండా పాటించడం ద్వారా మొదటి 200 మంది అనుచరులను సులభంగా సంపాదించుకోవచ్చు. మీరు ఈ ప్లాట్‌ఫారమ్‌ను సరిగ్గా అర్థం చేసుకుని, సరైన పద్ధతిలో రాస్తూ, క్రమం తప్పకుండా ప్రచురిస్తూ, పాఠకులతో మమేకమవుతూ ఉంటే మీ ఎదుగుదల చాలా వేగంగా ఉంటుంది.
ప్రతిలిపిలో కొత్త రచయితగా మీరు అనుసరించాల్సిన కొన్ని ముఖ్యమైన దశలు ఇక్కడ ఉన్నాయి, చూడండి:
- 1
ప్రతిలిపి యాప్‌ను పూర్తిగా అర్థం చేసుకోండి.
యాప్‌ను ఒకసారి పరిశీలించి.. ప్రచురించడం, డ్రాఫ్ట్‌లు, నోటిఫికేషన్లు, గణాంకాలు & కథ యొక్క భాగాలు ఎలా పనిచేస్తాయో అర్థం చేసుకోండి. అలాగే పాఠకులు కథలను ఎక్కడెక్కడ కనుగొంటున్నారో కూడా గమనించండి – ఉదాహరణకు హోమ్‌పేజీ, వర్గాలు, కొత్త అప్‌డేట్‌లు & ట్రెండింగ్ సెక్షన్లు వంటివి.
- 2
ఆన్‌లైన్ పాఠకులకు ఏం నచ్చుతుందో తెలుసుకోండి.
సాధారణంగా ఆన్‌లైన్ పాఠకులు చకచకా సాగే కథావిధానం, చిన్న చిన్న భాగాలు, క్రమం తప్పకుండా వచ్చే అప్‌డేట్‌లు & ఆసక్తికరమైన ట్విస్ట్‌లను ఇష్టపడతారు. పుస్తకాలను చదివే అలవాటు ఉన్నవారితో పోలిస్తే ఆన్‌లైన్ పాఠకుల అలవాట్లు వేరుగా ఉంటాయి, కాబట్టి మీ కథ మొదలైన కొద్దిసేపట్లోనే చాలా ఆసక్తికరంగా మారాలి.
- 3
రికమండేషన్స్ ఎలా పనిచేస్తాయో తెలుసుకోండి.
మీ కథతో పాఠకులు ఎంత ఎక్కువ మమేకం అయితే మీ కథ యొక్క విజిబిలిటీ అంతగా పెరుగుతుంది. కథలోని మొదటి కొన్ని భాగాలు బలంగా ఉండటం, క్రమం తప్పకుండా ప్రచురించడం, సరైన జోనర్ టాగ్స్ ఉపయోగించడం, పాఠకులు కథను పూర్తిగా చదవడం & వారి కామెంట్లు.. ఇవన్నీ మీ కథ మరింత మంది పాఠకులను చేరుకోవడానికి సహాయపడతాయి.
- 4
హోమ్‌పేజీ & ట్రెండింగ్ కథలను గమనించండి.
హోమ్‌పేజీని, ట్రెండింగ్ కథలను, పాఠకులను ఆకట్టుకుంటున్న కొత్త రచనలను తరచుగా చూస్తూ ఉండండి. దీనివల్ల ప్రస్తుతం ఎలాంటి జోనర్స్, టైటిల్స్, కవర్లు & ఎలాంటి శైలి పాఠకులను ఎక్కువగా ఆకర్షిస్తున్నాయో మీకు ఒక స్పష్టమైన అవగాహన వస్తుంది.
- 5
పాపులర్ జోనర్‌తో ప్రారంభించండి.
మీ మొదటి కథ కోసం, పాఠకులలో ఇప్పటికే మంచి క్రేజ్ ఉన్న జోనర్‌ను ఎంచుకోండి. రొమాన్స్, ఫ్యామిలీ డ్రామా, థ్రిల్లర్, సస్పెన్స్, సీఈఓ ప్రేమ & ఆఫీస్ ప్రేమ వంటి జోనర్స్ కొత్త రచయితలు త్వరగా పాఠకుల దృష్టిని ఆకర్షించడానికి బాగా ఉపయోగపడతాయి.
- 6
40–50 భాగాల సిరీస్‌ను రాయడానికి ప్రయత్నం చేయండి.
మీరు కొత్త రచయిత అయితే, కనీసం 40 నుండి 50 భాగాలు ఉండేలా ఒక సిరీస్‌ను ప్లాన్ చేసుకోండి. అతిపెద్ద సిరీస్ రాయడం వల్ల మీకు క్రమం తప్పకుండా ప్రచురించడానికి, అప్‌డేట్స్‌లో కనిపించడానికి & ఒక స్థిరమైన రీడర్ కమ్యూనిటీని నిర్మించుకోవడానికి ఎక్కువ అవకాశాలు లభిస్తాయి.
- 7
ఆకట్టుకునే టైటిల్, కవర్ ఫోటో &వివరణను ఉపయోగించండి.
మీ కథను చదవడం ప్రారంభించే కంటే ముందు, పాఠకులు మొదట గమనించేవి మీ టైటిల్, కవర్ ఫోటో & వివరణ. అందుకే కథ చదవాలనే కుతూహలాన్ని పెంచేలా ఒక ఆకట్టుకునే టైటిల్, చక్కటి కవర్ ఫోటో & భావోద్వేగాలతో కూడిన చిన్న వివరణను సిద్ధం చేసుకోండి.
- 8
ప్రతి వారం 3–4 భాగాలు ప్రచురించండి.
అభివృద్ధి సాధించడంలో స్థిరంగా ప్రచురించడం అనేది చాలా ముఖ్యమైన విషయం. మీరు క్రమం తప్పకుండా కథను ప్రచురించినప్పుడు, మీ కథ ఎప్పుడూ యాక్టివ్‌గా ఉంటుంది & పాఠకులు తదుపరి అప్‌డేట్ కోసం మిమ్మల్ని అనుసరించడానికి ఒక మంచి కారణం దొరుకుతుంది.
- 9
కామెంట్ల ద్వారా పాఠకులతో మాట్లాడండి.
పాఠకులు ఇచ్చే కామెంట్‌లకు రిప్లై ఇస్తూ వారితో మంచి అనుబంధాన్ని ఏర్పరచుకోండి. మీరు ఇచ్చే ఒక చిన్న "చదివినందుకు ధన్యవాదాలు" అనే రిప్లై కూడా పాఠకులలో మీపై అభిమానాన్ని పెంచుతుంది & వారు మీ ప్రొఫైల్‌ను అనుసరించేలా ప్రోత్సహిస్తుంది.
- 10
ప్రతిలిపిలోనే మీ కథను ప్రమోట్ చేసుకోండి.
సరైన జోనర్, టాగ్స్, రచయిత పోస్ట్‌లు & సిరీస్ భాగాల చివరలో చిన్న చిన్న రిమైండర్లను ఉపయోగించండి. "తరువాత భాగం కోసం నన్ను అనుసరించండి" వంటి చిన్న వాక్యాలు పాఠకులను మీకు మద్దతు ఇచ్చేలా & మీ అప్‌డేట్స్ కోసం ఎదురుచూసేలా చేస్తాయి.
- 11
ముగింపు సందేశం
0 నుండి 200 మంది అనుచరులను సొంతం చేసుకోవడానికి కావలసింది ఓపిక & స్థిరత్వం మాత్రమే. ఆకట్టుకునేలా అతిపెద్ద సిరీస్ రాయడం, క్రమం తప్పకుండా ప్రచురించడం, పాఠకుల అలవాట్లను గమనించడం & ప్లాట్‌ఫారమ్‌పై ఎల్లప్పుడూ యాక్టివ్‌గా ఉండటంపై దృష్టిపెట్టండి.
ప్రతి వారం మీరు చేసే ఈ చిన్న చిన్న ప్రయత్నాలే ప్రతిలిపిలో మీకంటూ ఒక నమ్మకమైన పాఠక లోకం నిర్మించడంలో సహాయపడతాయి.
సంతోషంగా రాయండి!
— ప్రతిలిపి బృందం