గౌరవనీయులైన రచయిత గారికి,
క్రమబద్ధంగా ఉండటం అంటే కఠినమైన నియమాలను తప్పనిసరిగా పాటించడం కాదు. మీ ఆలోచనలను స్పష్టంగా ఉంచుకుంటూ, సృజనాత్మకతను పెంపొందిస్తూ, పాఠకులు మీ అప్‌డేట్‌ల కోసం ఎదురుచూసేలా ఒక మంచి రచనా అలవాటును ఏర్పరచుకోవడమే!
- 1
ఒకేసారి కొన్ని భాగాలను మాత్రమే ప్లాన్ చేసుకోండి.
మీరు మీ పూర్తి కథను ఒకేసారి ప్లాన్ చేయాల్సిన అవసరం లేదు. రాబోయే 3 నుండి 5 భాగాలలో ఏం జరగబోతుందో ముందుగా తెలుసుకోవడం వల్ల రాయడం చాలా సులభం అవుతుంది.
- 2
చిన్న & అనుకూలమైన లక్ష్యాలను నిర్దేశించుకోండి.
మిమ్మల్ని అలసటకు లేదా ఒత్తిడికి గురిచేసే పెద్ద పెద్ద లక్ష్యాలను పెట్టుకోకండి. వారానికి రెండు భాగాలు లేదా రోజుకు కొన్ని వందల పదాలు రాసినా సరే, అది మీ కథను ముందుకు తీసుకెళ్లడానికి సహాయపడుతుంది.
- 3
మీకంటూ ఒక ప్రత్యేకమైన సమయాన్ని ఎంచుకోండి.
మీ జీవనశైలికి & అనుకూలమైన సమయాన్ని ఎంచుకోండి. కొందరు రచయితలు రాత్రిపూట రాస్తే, మరికొందరు ఉదయాన్నే రాస్తారు, ఇంకొందరు పగటిపూట దొరికే చిన్న చిన్న విరామాల్లో రాస్తుంటారు. మీకు ఏది సౌకర్యంగా ఉంటే ఆ సమయాన్ని ఎంచుకోండి.
- 4
సాధారణ టూల్స్‌ను ఉపయోగించండి.
మీ ఆలోచనలను ఎప్పటికప్పుడు సేవ్ చేసుకోవడానికి నోట్స్ యాప్స్, టైమర్స్ లేదా ఒక చిన్న నోట్‌బుక్‌ను ఉపయోగించండి. ఈ చిన్న చిన్న టూల్స్ మీ దృష్టి మరలకుండా ఉంచడానికి & మీ మైండ్‌లోకి వచ్చే మంచి కథా ఆలోచనలను మర్చిపోకుండా ఉండటానికి బాగా ఉపయోగపడతాయి.
- 5
ప్రతిలిపి ఫీచర్లను ఉపయోగించుకోండి.
ప్రతిలిపిలోని డ్రాఫ్ట్ ఎడిటర్, ఆటోసేవ్ & భాగాల షెడ్యూలింగ్ వంటి ఫీచర్లను ఉపయోగించండి. మీరు బిజీగా ఉన్నప్పుడు కూడా స్థిరంగా రచనలు ప్రచురించడానికి ఈ టూల్స్ మీకు ఎంతగానో సహాయపడతాయి.
- 6
పాఠకుల నమ్మకాన్ని సంపాదించండి.
క్రమం తప్పకుండా కథను అప్‌డేట్ చేస్తూ, అకస్మాత్తుగా మాయం అవ్వని రచయితలను పాఠకులు ఎక్కువగా నమ్ముతారు. పాఠకులు మిమ్మల్ని పూర్తిగా నమ్మగలిగినప్పుడు, వారు మీ కథలను ఎప్పటికీ వదలకుండా చదువుతారు.
- 7
క్రమశిక్షణకు & విశ్రాంతికి మధ్య సమతుల్యతను పాటించండి.
రాయడంలో క్రమం తప్పకుండా ఉండటం ఎంత ముఖ్యమో, మీకు మీరు విశ్రాంతిని ఇచ్చుకోవడం కూడా అంతే ముఖ్యం. ఒక మంచి రచయిత అంటే ప్రతిదీ చక్కగా చేసేవారు కాదు; స్థిరంగా, స్పష్టంగా ఉంటూ తన రచనా ప్రయాణాన్ని ఆస్వాదించేవారే!
సంతోషంగా రాయండి!
— ప్రతిలిపి బృందం