ప్రతిలిపి
ప్రతిలిపి అవార్డ్స్ - సీజన్ 3 పోటీని 8 భారతీయ భాషల్లో నిర్వహించడం ఎంతో ఆనందంగా, ఉత్సాహంగా భావిస్తున్నాము. రచయితలు తమ కథలను మరింత విస్తృతమైన పాఠకులకు చేరవేసుకునే అద్భుత అవకాశాన్ని ఈ వేదిక అందిస్తోంది.
మీ సృజనాత్మకతకు, కథారచనా ప్రయాణానికి గుర్తుగా ప్రత్యేకమైన ప్రతిలిపి ట్రోఫీ మీ కోసం ఎదురుచూస్తోంది.
కొత్తగా రాయడం ప్రారంభిస్తున్న, ఇప్పటికే రాసే అనుభవజ్ఞులైన రచయితలందరినీ ఆహ్వానించడమే ప్రతిలిపి అవార్డ్స్ పోటీ యొక్క లక్ష్యం. ఈ పోటీలో పాల్గొనే రచయితలు అతిపెద్ద సిరీస్లు రాసి, తమ ఆదాయం, అనుచరులను పెంచుకోవడం, రచనా ప్రయాణాన్ని మరింత సంతృప్తికరంగా మలుచుకుంటూ ముందుకు సాగడమే ఈ పోటీ ముఖ్య ఉద్దేశ్యం.
ప్రతిష్టాత్మకమైన సరికొత్త ప్రతిలిపి ట్రోఫీ మీ కోసం ఎదురుచూస్తోంది.
→ ప్రతిలిపి అవార్డ్స్ -3 ప్రత్యేకత ఏమిటి?
1. ఈసారి కేవలం గుర్తింపు పొందడమే కాకుండా, విజేతలకు పూర్తిగా కొత్తగా రూపొందించిన ప్రత్యేక ప్రతిలిపి అవార్డు అందజేయబడుతుంది. ఇది మీ విజయానికి ప్రతీకగా, మీరు గర్వంగా మీ ట్రోఫీని ప్రదర్శించుకోవచ్చు.
2. అందరికీ అవకాశం - ఈ పోటీలో గోల్డెన్ బ్యాడ్జ్ లేని రచయితలు కూడా పాల్గొనే అవకాశం ఉంది. పోటీలో పాల్గొనే రచయితలకు అవార్డులు, నగదు బహుమతులు, ఇంకా అనేక రివార్డులు అందుబాటులో ఉన్నాయి.
3. ప్రోత్సాహకరమైన బహుమతులు: టాప్ 25 మంది విజేతలకు నగదు బహుమతులు, ఛాంపియన్ల కోసం ప్రత్యేక ప్రతిలిపి అవార్డు, అంతేకాకుండా పోటీలో పాల్గొన్న ప్రతీ రచయితకు రివార్డులు సిద్ధంగా ఉన్నాయి.
4. పోటీలో పాల్గొన్న రచయితలందరూ ప్రతిలిపి అధికారిక సామజిక మాధ్యమాలలో సిరీస్ షేర్ చేసే అవకాశం పొందుతారు.
→ ప్రతిలిపి పోటీల ఫలితాలు
ప్రతిలిపి నిర్వహించే పోటీ ఫలితాలను సిద్ధం చేయడంలో మేము పూర్తి అంకితభావంతో, నిజాయితీతో, బాధ్యతతో అత్యంత జాగ్రత్త వహిస్తాము. పూర్తి పారదర్శకత కోసం, ఫలితాల తయారీకి సంబంధించిన వివరమైన ప్రక్రియను మా రచయితలందరితో పంచుకుంటున్నాము.
→ ఫలితాల ప్రక్రియను తెలుసుకోవడానికి ఈ లింక్ పైన క్లిక్ చేయండి.
→ ప్రతిలిపి పోటీ ఫలితాలను ఎలా చూడాలో తెలుసుకోవడానికి ఈ వీడియో చూడగలరు.
బహుమతులు
1. న్యాయనిర్ణేతల ఎంపిక:
→ మొదటి 3 మంది విజేతలకు: ₹5000 నగదు బహుమతి + ప్రత్యేక ప్రతిలిపి అవార్డు + మీ సిరీస్కు మా అధికారిక ఇన్స్టాగ్రామ్ పేజీలో 24 గంటల పాటు ప్రత్యేక స్థానం కల్పించబడుతుంది.
→ 4 - 6 విజేతలకు: ₹3000 నగదు బహుమతి + ప్రత్యేక ప్రతిలిపి అవార్డు
→ 7 - 10 విజేతలకు: ₹2000 నగదు బహుమతి + ప్రత్యేక ప్రతిలిపి అవార్డు
→ 11 - 25 విజేతలకు: ₹1,000 నగదు బహుమతి + ప్రత్యేక ప్రతిలిపి అవార్డు
2. పాఠకుల ఎంపిక:
→ 100 భాగాల సిరీస్ పూర్తి చేసిన రచయితలందరికీ పోటీ ఫలితాల బ్లాగ్ లో ప్రత్యేక విజిబిలిటీ & సన్మానపత్రం మెయిల్ ద్వారా పంపడం జరుగుతుంది.
→ అంతే కాదు, పాఠకుల స్పందన ఆధారంగా (మొత్తం రీడ్ కౌంట్, ఎంగేజ్మెంట్ స్కోర్, అంటే ఎంతమంది పాఠకులు సిరీస్ మొదటి నుండి చివరిదాకా చదివారో లాంటి అంశాల ఆధారంగా) టాప్ 5 సిరీస్ లను ఎంపిక చేస్తాము. టాప్ 5 రచయితలకు ప్రతిలిపి ప్రతిష్టాత్మక అవార్డు ఇంటి చిరునామాకే పంపడం జరుగుతుంది.
3. పోటీలో పాల్గొన్న రచయితలకు:
→ పోటీలో పాల్గొన్న రచయితలకు ప్రశంసాపత్రం మెయిల్ చేయబడుతుంది.
→ పోటీకి వచ్చిన అన్ని సిరీస్ లు ఫేస్బుక్ లో ప్రమోట్ చేయబడతాయి.
→ పోటీకి వచ్చిన అన్ని సిరీస్ లు ప్రతిలిపి హోమ్ పేజీ బ్యానర్ లో ప్రమోట్ చేయబడతాయి.
→ మీరు ప్రీమియం సిరీస్ రాసినట్లయితే, నెలవారీ ఆదాయాన్ని కూడా పొందే అవకాశం ఉంటుంది.
పోటీ నియమాలు & మార్గదర్శకాలు
1. గోల్డెన్ బ్యాడ్జ్ రచయితలకు: పోటీకి అర్హత పొందడానికి, మీ సిరీస్ అన్ని భాగాలను తప్పనిసరిగా ప్రీమియం సబ్స్క్రిప్షన్లో ఉంచాలి. (మీ సిరీస్ ప్రీమియంలో ఎలా జత చేయాలో తెలుసుకోవడానికి ఈ లింక్ పైన క్లిక్ చేయండి.)
2. గోల్డెన్ బ్యాడ్జ్ లేని రచయితలకు: మీకు గోల్డెన్ బ్యాడ్జ్ లేకపోయినా, మీ సిరీస్ సాధారణంగానే పోటీకి ప్రచురించవచ్చు. (ప్రతిలిపిలో సిరీస్ను ఎలా ప్రచురించాలో తెలుసుకోవడానికి ఇక్కడ క్లిక్ చేయండి.)
3. సిరీస్ భాగాలు: ఈ పోటీలో అర్హత పొందడానికి కనీసం 80 భాగాల సిరీస్ ప్రచురించాలి. గ్యారంటీ బహుమతిని పొందడానికి మీరు కనీసం 100+ భాగాల సిరీస్ ప్రచురించాలి. అంతకు మించి ఎన్ని భాగాలైనా రాయవచ్చు.
4. పద పరిమితి: ప్రతి భాగంలో కనీసం 1000 పదాలు ఉండాలి. అంతకు మించి ఎన్ని పదాలైనా రాయవచ్చు. (ప్రచురించేటప్పుడు పదపరిమితి ఎలా చెక్ చేయాలి?)
5. సబ్మిట్: మీ సిరీస్ను పోటీకి ప్రచురించేటప్పుడు 'ప్రతిలిపి అవార్డ్స్-3' అనే వర్గాన్ని తప్పనిసరిగా ఎంపిక చేసుకోవాలి.
పోటీకి సంబంధించిన వర్గాన్ని మీ సిరీస్ కి జోడించకపోతే, సిరీస్ పోటీకి పరిగణించబడదు. పోటీ వర్గంతో పాటు మరో 2 వర్గాలు తప్పకుండా జోడించాలి. (పోటీ వర్గం ఎలా జోడించాలి తెలుసుకోవడానికి ఇక్కడ క్లిక్ చేయండి.)
6. థీమ్: మీరు ఏ అంశంపైనైనా సిరీస్ రాయవచ్చు.
7. అనర్హత: పోటీ చివరి తేదీ లోపు, పూర్తి కాని సిరీస్ లు పోటీకి పరిగణించబడవు.
గమనిక: మొదటి భాగం నుండే మీ సిరీస్ ని ప్రారంభించండి. ముందుమాట, ప్రోమో, ట్రైలర్, ఇతర గమనికలను & విషయాలను సిరీస్ భాగాలుగా ప్రచురించకూడదు. ఇలాంటి అంశాలను మొదటి భాగం చివరిలో జత చేసుకోవచ్చు. మరింత వివరంగా తెలుసుకోవడానికి ఈ లింక్ పైన క్లిక్ చేయండి.
ముఖ్యమైన తేదీలు
→ పోటీ ప్రారంభ తేది: జూన్ 25, 2026
→ పోటీ ముగింపు తేది: నవంబర్ 24, 2026 (మంగళవారం) (ఈ తేదీ లోపు మీ సిరీస్ పూర్తి చేయాలి.)
→ ఫలితాల తేది: సాయంత్రం 5 గంటలు - జనవరి 27, 2027. ఫలితాల బ్లాగ్ లింక్, మా టీం మీకు షేర్ చేస్తుంది.
→ జూన్ 25 లోపు ప్రారంభమైన సిరీస్ పోటీకి పరిగణించబడవు. కనుక పోటీకి ప్రచురించే సిరీస్ తప్పకుండా జూన్ 25 వ తారీఖు లేదా ఆ పైన మాత్రమే ప్రారంభమై ఉండాలి.
→ గమనిక: పోటీ ముగిసిన తర్వాత అన్ని సిరీస్ లను ఫేస్బుక్ పేజీలో, ప్రతిలిపి హోమ్ పేజీ ప్రత్యేక బ్యానర్ లో ప్రమోట్ చేయబడును.
*********
పోటీకి సంబంధించి మరేమైనా సందేహాలు ఉంటే, దయచేసి e[email protected]కి మాత్రమే మెయిల్ చేయండి. మా టీం 24 గంటలలోగా మీ సమస్యను పరిశీలించి తగిన విధంగా సహాయం చేస్తుంది.
ప్రతిలిపి కమ్యూనిటీలో గొప్ప రచయితగా మారడానికి ఇదొక సువర్ణవకాశం. మీరు ప్రచురించే సిరీస్ యొక్క ప్రతి భాగం, ప్రతీ పదం మిమ్మల్ని విజయానికి ఒక అడుగు దగ్గర చేస్తుంది.
మీ తోటి రచయితలకు ఈ పోటీ గురించి తెలియజేయండం మర్చిపోవద్దు. మీ ఒక్క షేర్ వలన ఎవరి రచనా ప్రయాణమైనా మారిపోవచ్చు.
ఆల్ ది బెస్ట్
ప్రతిలిపి పోటీల విభాగం