బొమ్మల బాల భాగవతం

ధర్మరాజు పేరు వినని బాలురుండరు. పంచపాండవులలో ఆయన పెద్దవాడు. పేరుకు తగ్గ ధర్మాత్ముడు. ఆయన కలియుగము ప్రారంభం కాగానే ఈ లోకాన్ని వదలి వెళ్ళిపోవాలని నిశ్చయించుకున్నాడు. హింస, అసత్యం మొదలైన అధర్మాలు కలితో కూడ లోకంలో ప్రవేశించినవి. ఇక ఈ లోకంలో ఉండరాదనుకొన్నాడు ధర్మరాజు. తన విశాలమైన రాజ్యాన్ని తన మనుమడైన పరీక్షిత్తుకు అప్పగించినాడు. వైరాగ్యంతో ధర్మరాజు తన నలుగురు తమ్ములను, భార్యను వెంట తీసుకుని హస్తినాపురం వదిలేసి వెళ్ళిపోయినాడు. పరీక్షిత్తు అభిమన్యుని కుమారుడు. పాండవులకు వారసుడు అతడొక్కడే. పరీక్షిత్తు ...