రవి ఉన్నత పాఠశాల విద్యార్థి. తుంటరి పిల్లవాడు. పాఠశాలలో, ఇంటి దగ్గర చాలా అల్లరి పనులు చేసేవాడు. ఉపాధ్యాయులు, రవిని మార్చి, చదువుపై ఆసక్తి కలిగించాలని ప్రయత్నించారు. ఒక రోజు విహార యాత్ర వెళ్లుటకు తేదీని నిర్ణయించి, ఆ రోజు సకాలానికి రావాలని ప్రకటన చేశారు. ఆ తీపివార్త విని పిల్లల ఆనందానికి అవధులు లేవు. ఒకటే సందడే సందడి. ఆ శుభ సమయం రానే వచ్చింది. పిల్లలందరూ రంగు, రంగుల దుస్తులు ధరించి, పిండివంటలు చేయించుకొని, కట్టుకొని ఉషారుగా వచ్చారు. అందరూ బస్సులో అనుకొన్న ప్రకారం ప్రసిద్ధిగాంచిన పురాతన కోటను ...
